Nasabat sa operasyon ng Regional Police Drug Enforcement Unit (RPDEU) 11 ang tinatayang Php136,000 halaga ng hinihinalang shabu mula sa isang Newly Identified High Value Drug Personality nito lamang madaling araw ng Oktubre 31, 2024 sa Purok Sta. Cruz, Barangay Mankilam, Tagum City.
Kinilala ni Police Major Maynard D Pascual, Chief, RSOG/RPDEU11, ang suspek na si alyas “Pol”, 30 anyos, drayber at residente ng Annika Homes, Tagum City.
Ang suspek ay naaresto sa pakikipagtulungan ng RPDEU 11 sa Tagum City Police Station, 1st Davao Norte Provincial Mobile Force Company at sa koordinasyon ng PDEA.
Narekober naman mula sa suspek ang humigit kumulang 20 gramo ng hinihinalang shabu at nahaharap sa kasong paglabag sa Republic Act 9165 o “Comprehensive Dangerous Drugs Act of 2002”.
Ang operasyong ito ay nagpapakita ng patuloy na pagsisikap ng Police Regional Office 11 na labanan ang ilegal na droga at kriminalidad sa rehiyon, layuning mapanatili ang kaligtasan at seguridad ng komunidad.
Panulat ni Patrolwoman Shairra Rose A Aquino
