Nakumpiska ng mga awtoridad ang tinatayang Php13,600,000 halaga ng shabu mula sa isang High Value Individual sa isinagawang intelligence driven anti-illegal drugs operation sa Barangay San Jose Gusu, Zamboanga City nito lamang ika-9 ng Agosto 2024.
Ang naarestong suspek ay isang High Value Individual at 37 anyos.
Nakumpiska sa operasyon ang dalawang vacuum sealed plastic pack na naglalaman ng pinaghihinalaang shabu na may timbang na humigit kumulang dalawang kilo na nagkakahalaga ng tinatayang Php13,600,000.
Mahaharap ang suspek sa kasong paglabag sa Republic Act 9165 o “Comprehensive Dangerous Drugs Act of 2002”.
Naging matagumpay ang operasyon sa pagsisikap ng mga operatiba ng Regional Drug Enforcement Unit 9, Regional Mobile Force Company 9, Zamboanga City Police Office at Regional Intelligence Unit 9.
Ang pagkakasamsam ng Zamboanga City PNP ng milyong halaga ng droga ay isang malaking tagumpay para sa law enforcement agencies sa Pilipinas na nagpapakita ng dedikasyon at kahusayan sa paglaban sa kampanya kontra ilegal na droga na isa sa malaking problema sa bansa tungo sa isang ligtas na Bagong Pilipinas
Panulat ni Patrolwoman Joyce Franco
