Zamboanga City – Tinatayang Php112,200 halaga ng shabu ang nasabat sa dalawang suspek sa buy-bust operation ng Zamboanga PNP nito lamang Lunes, Abril 18, 2022.
Kinilala ni Police Colonel Alexander Lorenzo, City Director ng Zamboanga City, ang dalawang suspek na sina Joe Alvin Ranoco y Nisas, alyas “Alvin”, 45, at residente ng Cabato Road, Blk-1, Brgy. Tetuan, Zamboanga City at Ryan Gulmayo y Natividad, alyas “Pastor”, 42, walang trabaho at residente ng Palmeras Drive, Brgy. Manicahan, Zamboanga City.
Ayon kay PCol Lorenzo, bandang 9:32 ng gabi nang mahuli ang dalawang suspek sa Zone 2, Brgy. Pasabolong, Zamboanga City ng mga operatiba ng Zamboanga City Police Station 4.
Dagdag pa ni PCol Lorenzo, nakumpiska sa dalawang suspek ang anim na heat-sealed plastic sachets na tumitimbang ng 16.5 gramo at nagkakahalaga ng Php112,200; dalawang pirasong Php100 bill bilang marked money; 12 pirasong Php100 bill bilang boodle money; isang coin purse; isang body bag; at isang MC Honda Wave Dash na may plate No. 8313 JQ.
Mahaharap ang dalawang suspek sa kasong paglabag sa RA 9165 o Comprehensive Dangerous Drugs Act of 2002.
Ang Pambansang Pulisya ay patuloy na paiigtingin ang kampanya kontra ilegal na droga at kriminalidad para sa mas mapayapa at ligtas na komunidad.
###
Panulat ni Patrolman John Ronald Tumonong / RPCADU 9
