Bontoc, Mountain Province – Tinatayang Php1,562,520 halaga ng marijuana ang nakumpiska sa isang suspek sa operasyon ng Mountain Province PNP noong Abril 17, 2022.
Kinilala ni Police Colonel Ruben Andiso, Provincial Director ng Mountain Province Police Office, ang suspek na si Mr. Rosendo Don Piquero Tadeo, 24, Dental Technician sa Bicutan, Taguig City, residente ng Grand Circle Condominium, Quiapo, Manila.
Ayon kay Police Colonel Andiso, nagsagawa agad ng operasyon ang mga tauhan ng Mountain Province PPO noong may biyahero sa Sadanga-Bontoc Terminal, Sepulcher Street, Poblacion, Bontoc, Mountain Province ang nagreport sa himpilan na may nagtangkang magluwas ng marijuana bricks palabas ng rehiyon.
Ayon pa kay Police Colonel Andiso, nakumpiska mula sa suspek ang labing-apat na bricks ng dahon ng marijuana na nakasilid sa tatlong bag pack na may kabuuang timbang na 13,021 kilos at nagkakahalaga ng Php1,562,520.
Pinuri ni Police Colonel Andiso ang mga operatiba sa matagumpay na operasyon upang mahadlangan ang tangkang pagluwas ng mga ipinagbabawal na marijuana papunta ng Maynila.
###
Panulat ni PSSg Cacliong
