Nasabat ang tinatayang Php103,445.68 halaga ng shabu sa isinagawang buy-bust operation ng Iriga City PNP sa Pinaglabanan St., Zone 7, Barangay San Agustin, Iriga City, Camarines Sur nito lamang ika-30 ng Abril 2024.
Ang naturang operasyon ay isinagawa ng pinagsanib na mga operatiba ng Iriga City Police Station, PPDEU/PIU Camarines Sur na nagresulta sa pagkakadakip kay alyas “Mike”, 20, may kinakasama, Street Level Individual at residente ng Legazpi City, Albay.
Nakumpiska mula sa suspek ang 15.2126 gramo ng pinaniniwalaang shabu na may street value na Php103,445.68.
Mahaharap ang suspek sa kasong paglabag sa Republic Act 9165 o Comprehensive Dangerous Drugs Act of 2002.
Sinisiguro naman ng mga kapulisan na mas paiigtingin pa nila ang drug operation upang mapanatili ang kaayusan at kaligtasan ng komunidad laban sa ilegal na droga alinsunod sa isa sa pangunahing prayoridad ng kasalukuyang administrasyon na gawin drug-free ang buong bansa.
Source: PNP Kasurog Bicol
Panulat ni Pat Rodel Grecia
