Tinatayang nasa Php10,400,000 halaga ng Fully Grown Marijuana Plants ang nadiskubre ng mga otoridad sa Nambaran, Tabuk City, Kalinga nito lamang ika-8 ng Agosto 2024.
Ayon kay Police Colonel Gilbert Fati-ig, Provincial Director ng Kalinga Police Provincial Office, matagumpay ang operasyon dahil sa pagtutulungan ng mga operatiba sa pangunguna ng Special Operations Unit ng Philippine Drug Enforcement Group-CAR, RMFB 15, Tabuk City Police Station, Kalinga PPO at RIU 2.
Nagresulta ang operasyon sa pagkadiskubre ng isang plantasyon ng marijuana na tinatayang may sukat na 5,200 square meters na may tanim na 52,000 piraso ng Fully Grown Marijuana Plants na may Php10, 400,000 Standard Drug Price.
Bagamat walang nahuling cultivator, binunot at sinunog ng mga operatiba ang nasabing marijuana plants.
Ang matagumpay na operasyon ng Kalinga PNP ay patunay na kaisa ang pulisya ng Cordillera sa pagpapaigting ng kampanya kontra ilegal na droga alinsunod sa mga prayoridad ng administrasyon para maging isang drug free ang ating bansa tungo sa isang Bagong Pilipinas.
