Quezon City – Nagbigay ng LifeStraw Products – Emergency Water Filter and Purifier ang ARMSCOR Global Defense, Inc. sa Philippine National Police sa isinagawang Signing of Deed of Donation at Turnover of Donated Items sa Camp Crame, Quezon City, ngayong araw, Hulyo 24, 2023.
Ang nasabing turnover at signing of donation ay isinagawa kasabay ng Monday Flag Raising Ceremony sa Kampo Crame.
Tinanggap ng PNP sa pangunguna ni Chief PNP, PGen Benjamin C Acorda Jr. ang 50 units ng LifeStraw Family 2.0 na nagkakahalaga ng Php8,000 bawat isa, at 10 units ng LifeStraw Max na nagkakahalaga ng Php60,000 bawat isa na may kabuuang halaga na Php1,000,000.
Dumalo sa aktibidad ang Senior Executive Vice President and Deputy CEO ng ARMSCOR Global Defense, Inc., LTC Gina Marie G. Angangco (GSC) PA RES na siyang nanguna sa signing of deed of donation at turnover ng LifeStraw Products.
Ang ARMSCOR ay ang pinakamalaking privately-owned manufacturing company ng mga baril at bala sa Southeast Asia at exporter sa mahigit 60 na bansa kabilang ang United States, Europe, South America, at Australia.
Ang nasabing donasyon ay naglalayon na makapagbigay ng ligtas at malinis na inumin sa ating mga kababayan na apektado ng mga kalamidad at bagyo.
Samantala, kasabay din ng nasabing aktibidad ay ang Awarding of PNP Personnel with Significant Accomplishments na kinabibilangan ni PCol Tirso D. Manoli, PSSg Gerben G. Romero, PCpl John Vincent O. Balagtas mula sa Police Regional Office 2; PCpl MC Jayvie V. Cacot, PCpl Mark Anthony B. Amaro, PCpl Wilbur S. Ramos, PCpl Benito C Catungal, Jr. mula sa National Capital Region Police Office na nagawaran ng Medalya ng Kagalingan.
Nakatanggap naman ng Medalya ng Kasanayan si NUP Irma L. Villa at Medalya ng Papuri si NUP Imelda B. Nuestro ng Directorate for Police Community Relations.
Bukod dito, ginawaran din ng Medalya ng Kadakilaan (Posthumous) si Pat Ronnie D. Revereza, Jr. ng Police Regional Office 5 na tinanggap naman ng kanyang pamilya.
