Nasamsam ang tinatayang Php1,700,000 halaga ng shabu sa isinagawang buy-bust operation ng PNP at PDEA sa Purok 1 Kajima Road, Barangay Doongan, Butuan City, bandang 7:45 ng umaga, Abril 17, 2024.
Kinilala ni Police Brigadier General Kirby John B Kraft, Regional Director ng Police Regional Office (PRO) 13, ang suspek na si alyas “Bintong”, 33 taong gulang, may live-in partner, driver at residente ng Purok 4, Barangay Triangle, Nasipit, Agusan Norte.
Ayon kay PBGen Kraft, naaresto ang suspek sa isinagawang buy-bust operation ng magkasanib na pwersa ng Regional Drug Enforcement Unit-13 Regional Intelligence Division13 (lead unit), Butuan City Police Office Criminal and Investigation Unit, Butuan City Police Staion2-Drug Enforcement Unit (BCPS2 DEU) at Philippine Drug Enforcement Agency Agusan del Norte Police Provincial Office (PDEA-SDNPPO).
Ayon pa kay PBGen Kraft, nakumpiska ang 250 gramo ng hinihinalang shabu na may Standard Drug Price na Php1,700,000; isang piraso ng Php1000 bill na may serial number na KG866107 bilang buy-bust item; 14 piraso ng Php1000 bill bilang boodle money; isang yunit ng itim na Yamaha YTX 125cc na may plate number na 989ZKV; at drug paraphernalia.
Sa likod ng matagumpay na operasyon na ito, patunay lamang na aktibo ang kapulisan ng CARAGA sa kampanya kontra ilegal na droga upang huliin ang mga taong nasa likod ng talamak na pagkalat ng drogang ito para isulong ang isang ligtas at Bagong Pilipinas.
Panulat ni Pat Karen A Mallillin
