Glan, Sarangani Province – Nagsagawa ng Outreach Program ang 1st Sarangani PMFC sa Haji Musa, Kapatan Elementary School, Brgy. Kapatan, Glan, Sarangani Province nitong Linggo, Agosto 7, 2022.
Pinangunahan ang aktibidad ni PCpt Emmanuel Lariosa, Deputy Force Commander kasama ang mga Company Advisory Group sa pangunguna ni Pastor Melchor Abenales.
Ang aktibidad ay pinasimulan ng lecture bilang panghihikayat sa lahat ng mga mag-aaral na pagbutihin ang kanilang pag-aaral para sa darating na school year 2022. Sinundan ng pamamahagi ng pagkain at regalo kung saan, humigit 70 ang mga napamahagian na mag-aaral at mga guro.
Layunin ng aktibidad na ito na mapanatili ang maayos na relasyon sa pagitan ng PNP at komunidad. Ito din ay isang paraan upang makapaghatid ng serbisyo sa publiko.
###
Panulat ni Patrolman Jerrald Gallardo
