Puerto Princesa City – Nagsagawa ang kapulisan ng Puerto Princesa City Police Office ng programang OPLAN SABAC o Social media Assistance and Building Alliance with the Community sa ating kababayan sa Barangay Banco-Bancao, Puerto Princesa City noong ika-18 ng Setyembre 2023.
Nagpaabot ng food packs ang mga kapulisan sa mga residenteng lubos na nangangailangan sa pangunguna ni Police Lieutenant Colonel Aurelio Cabintas, Hepe ng City Community Affairs and Development Unit ng Puerto Princesa City Police Office .
Layunin ng programang ito na makapaghatid ng tulong sa mga kababayan gamit ang social media platform. Maaaring maipaabot sa mga pulis ang kanilang mga hinaing gamit lamang ang platform na ito.
Ang Puerto Princesa City Police Office sa pamumuno ni Police Colonel Ronie Bacuel, City Director, ay taos pusong nagpapasalamat sa ating mga stakeholders na kaisa ng ating opisina para sa layuning makatulong sa ating kapwa. Makakaasa po kayo, na kami po ay patuloy sa magbibigay tulong serbisyo sa ating mga kababayan.
Panulat ni Patrolman Erwin Calaus
