Nagsagawa ang Quezon City Police District (QCPD), sa ilalim ng pamumuno ni Acting District Director PCol Randy Glenn Silvio ng Oplan Galugad/Bulabog sa boundary ng Fairmont Subdivision at North Fairview mula 11:00 PM ng Disyembre 5, 2025 hanggang 1:00 AM ng Disyembre 6, 2025.
Isinagawa ito matapos makatanggap ang QC-LGU ng mga reklamo mula sa mga residente tungkol sa umano’y paninirahan nang ilegal, pananakot, at pagbabanta ng ilang informal settlers sa lugar.
Ang operasyon ay personal na pinangunahan nina PCol Silvio, kasama sina PCol Joel Villanueva, DDDA; PCol Robert Lingbawan, ADDDO; PCol Vicente Bumalay Jr, Punong Tanggapan, DOD; PLtCol Rossel Cejas, OIC, DID; PLtCol Edgar Batoon, FC, DMFB; at PLtCol Geronimo Dimayuga, Jr, Station Commander ng PS 5.
Kabuuang 162 na tauhan ng QCPD ang nadeploy, kasama ang 12 miyembro ng Task Force Disiplina, upang matiyak ang maayos na pagpapatupad ng batas.
“By strengthening enforcement, we are able to address concerns that affect the peace and safety of our communities. The QCPD will continue to conduct similar operations and encourages the public to support our efforts in keeping our neighborhoods secure,” pahayag ni PCol Silvio.
Source: QCPD
