Labo, Camarines Norte – Arestado ang Number 1 Most Wanted Person (Municipal Level) sa kasong 3 Counts of Rape at Act of Lasciviousness sa Manhunt Charlie Operation ng Labo PNP nito lamang Miyerkules, Hunyo 1, 2022.
Kinilala ni Police Lieutenant Colonel Juancho Ibis, Chief of Police, Labo Municipal Police Station, ang suspek na si alyas Monay, 38, may asawa at residente ng Purok 3, Barangay Cabusay, Labo, Camarines Norte.
Ayon kay PLtCol Ibis, bandang 5:00 ng hapon naaresto si Monay sa Purok 4, Barangay Talobatib, Labo, Camarines Norte ng mga operatiba ng Labo Municipal Police Station.
Ayon pa kay PLtCol Ibis, naaresto si Monay sa bisa ng Warrant of Arrest sa kasong 3 Counts of Rape in relation to 7610 na walang nirekomendang piyansa at 1 Count of Act of Lasciviousness na may rekomendadong piyansa na Php108,000.
“Ang pagkakahuli ng Number 1 Municipal Most Wanted sa Bayan ng Labo ay nagpapatunay na isa na namang biktima ang nabigyan ng hustisya at pag-asa ng mga kapulisan dahil sa pagsisikap na mahuli ang mga nagtatago sa batas, lalo na yaong mga umabuso at lumapastangan sa kahinaan ng kababaihan at kabataan”, ani PCol Guadamor, Provincial Director, Camarines Norte PPO.
Aniya pa PCol Guadamor, na hindi pahihintulutan ng PNP na malayang makapamuhay ang taong may ginawaan ng masama at nagyurak sa pagkatao ng sinumang biktima. Kailangan nilang managot sa kanilang mga pagkakasala upang maibsan ang sakit na idinulot nila sa kanilang mga naging biktima. Ang inyong kapulisan ay hindi magsasawang magsagawa ng mga Manhunt Charlie Operations upang matukoy at matunton ang mga may pagkakasala sa batas.
Source: Labo Municipal Police Station, Cam. Norte PPO
###
Panulat ni Patrolman Rodel Grecia
