Isabela – Nagsagawa ng Family Development Session ang Naguilian PNP sa pangunguna ni Police Major Junneil Perez sa mga residente ng Brgy. Quirino, Magsaysay, Roxas at Quezon na ginanap sa Community Center ng Brgy. Magsaysay, Naguilian, Isabela nitong ika-10 ng Marso 2023.
Katuwang sa aktibidad ang DSWD Naguilian kung saan pinag-usapan ang tungkol sa mga pangunahing suliranin sa loob ng isang pamilya.
Tinalakay din ni Police Major Perez ang masamang epekto ng ilegal na droga sa buhay ng tao alinsunod sa pagsulong ng Buhay Ingatan Droga’y Ayawan (BIDA) program.
Aktibo namang nakinig ang mga dumalo na karamihan ay mga benepisaryo ng 4Ps.
Layunin ng aktibidad na matulungan at magabayan ang mga magulang para sa ikabubuti ng bawat pamilya. Dahil sa loob ng pamilya nag-uumpisa ang kaayusan para mapanatili ang kapayapaan ng komunidad.
Source: Naguilian PS
Panulat ni PSSg Jerlyn V Animos
