Bato, Leyte – Arestado ang isang lalaki na Top 8 Most Wanted Person (Provincial Level) at Top 1 (Municipal Level) para sa kasong Rape sa Brgy Naga, Bato, Leyte nito lamang Sabado, May 7, 2022.
Kinilala ni Police Major Jayson Balbarona, Acting Chief of Police ng Bato Municipal Police Station ang suspek na si alyas “Balong”, 28, laborer at residente ng Brgy. Naga, Bato, Leyte.
Ayon kay PMaj Balbarona, naaresto ang suspek sa ikinasang Manhunt Charlie Operation ng Bato MPS sa bisa ng Warrant of Arrest sa kasong Rape na walang piyansang nirekomenda para sa kanyang pansamantalang kalayaan.
Samantala, ang Bato PNP ay walang tigil sa pagsasagawa ng mga operasyon upang mapanagot ang mga may sala sa batas.
###
