Tuluyan ng winakasan ang pakikibaka at nagbalik-loob sa pamahalaan ang isang miyembro ng Underground Mass Organization sa Barangay Urdaneta, Lavezares, Northern Samar nito lamang Nobyembre 05, 2024.
Kinilala ni Police Captain Mark Mhon T Amistoso, Officer-In-Charge ng 804th Maneuver Company, Regional Mobile Force Battalion 8, ang nagbalik-loob na si alyas “Kim”, 27 anyos, magsasaka, residente ng Barangay Pasabuena, Victoria, Northern Samar at miyembro ng Kabataan Alliance (Victoria Chapter).
Ang pagbabalik-loob ay resulta ng matagumpay na pakikipagnegosasyon ng mga tauhan ng 804th Maneuver Company, Regional Mobile Force Battalion 8 kasama ang 1st Northern Samar Provincial Mobile Force Company, Lavezares Municipal Police Station, Provincial Intelligence Team Northern Samar, Regional Intelligence Unit 8, Northern Samar Provincial EOD and Canine Unit, Maritime Law Enforcement Team Northern Samar at Northern Samar Provincial Highway Patrol Team- Regional Highway Patrol Unit 8.
Ang nasabing surrenderee ay nasa kustodiya na ng 804th Maneuver Company, RMFB 8 para sa dokumentasyon at validation ng kaniyang posibleng enrollment sa programa ng ating gobyerno na Enhanced Comprehensive Local Integration Program o E-CLIP.
Ang pagbabalik-loob ng dating miyembro ng UGMO ay representasyon na ang mga programa ng ating gobyerno sa pagwawakas ng insurhensiya at terorismo ay matagumpay na naipapatupad tungo sa pagkamit ng payapa at maunlad na Bagong Pilipinas.
Panulat ni Patrolwoman Ma. Elena B Singian
