Eastern Samar – Tuluyan nang winakasan ng isang miyembro ng Underground Mass Organization (UGMO) ang pagsuporta sa Communist Terrorist Group sa Barangay Buenavista, Quinapondan, Eastern Samar nitong ika-2 ng Setyembre 2023.
Kinilala ang sumuko na si alyas “Obie/Teddy”, 58 taong gulang, mekaniko at miyembro ng Batakang Organisasyong Pangpartido.
Malugod siyang tinanggap ng 2nd Eastern Samar Provincial Mobile Force Company sa pamumuno ni Police Lieutenant Colonel Marino Azur G Estonio, Force Commander.
Ang pagsuko ni “Obie/Teddy” ay resulta ng pursigidong panawagan at pagsisikap ng Intelligence Operatives ng 2nd Eastern Samar PMFC, mga tauhan ng Provincial Intelligence Unit at sa aktibong suporta ng komunidad, ng KASIMBAYANAN at Advocacy Groups sa pamamagitan ng Intelligence and Information Operation (Counter Propaganda).
Ang miyembro ng UGMO ay sumailalim na sa custodial debriefing at ngayon ay nasa ilalim ng protective custody ng 2nd Samar PMFC para sa kaukulang dokumentasyon.
Patuloy naman ang panawagan ng PNP sa iba pang miyembro ng CTGs na magbalik-loob na sa gobyerno, umuwi at bigyang pagkakataong makapiling ang kanilang mga mahal sa buhay.
