Negros Oriental – Kulong ang isang lalaking umanoy miyembro ng Private Armed Group (PAG) sa Negros Oriental makaraang maaresto at makumpiskahan ng ilegal na droga at baril sa inilatag na entrapment operation ng kapulisan sa Brgy. Biñojon, Bais City, Negros Oriental noong Miyerkules, Setyembre 20, 2023.
Kinilala ni Police Colonel Ronan Claraval, Acting Provincial Director, ang suspek na si “Toper”, 32, residente ng Brgy. Biñojon, Bais City, Negros Oriental, kabilang sa talaan ng Street Level Individual.
Ayon kay PCol Claraval, dakong alas-7:52 ng umaga ng ikasa ng pinagsanib na puwersa ng mga operatiba ng Provincial Intelligence Unit (PIU), Provincial Drug Enforcement Unit (PDEU) ng Negros Oriental Police Provincial Office (NOPPO), Bais City Police Station at Regional Intelligence Unit (RIU) 7 ang nasabing operasyon.
Narekober sa suspek ang isang unit ng cal. 45 col MK IV, isang magazine, limang live ammunition, isang plastic sachet ng hinihinalang shabu na tumitimbang ng nasa 15 gramo na may Standard Drug Price na Php102,000, at buy-bust money.
Ang NegOr PNP ay walang humpay ang kampanya kontra kriminalidad at ilegal na droga upang masiguro ang kaligtasan ng mamamayan sa kanilang nasasakupan.
