Dahil sa patuloy na pagsasagawa ng mga operasyon kontra insurhensiya ng mga tauhan ng Zamboanga Sibugay 2nd Provincial Mobile Force Company (ZSPMFC) kasama ang Titay Municipal Police Station ay tuluyan ng sumuko ang isang miyembro ng Communist Terrorist Group (CTG) noong Marso 26, 2024.
Kinilala ni Police Lieutenant Colonel Flint S Depnag, Force Commander ng 2nd ZSPMFC, ang sumuko na isang CTG supporter NPSR Listed, 36 anyos, lalaki, magsasaka/pedikab driver at residente ng Barangay San Fernandino, RT Lim, Zamboanga Sibugay na dating tagasuporta ng Militia ng Bayan, Guerilla Front Committee SECOM Feliciano A sa Zamboanga Sibugay at nagsilbing courier ng mga pagkain at iba pang mga suplay.
Dahil dito, hinimok ni PLtCol Depnag ang mga natitirang miyembro ng CTG na sumuko at gamitin ang tulong na iniaalok ng gobyerno sa pamamagitan ng E-CLIP at iba pang programa ng kasalukuyang administrasyon upang matulungan silang magkaroon ng bagong pananaw at mapayapang pamumuhay kasama ang kanilang pamilya tungo sa mas ligtas, masaya at maunlad na Bagong Pilipinas.
Panulat ni Pat Joyce S Abiog
