Boluntaryong nagbalik-loob sa pamahalaan ang isang miyembo ng Communist Terrorist Group (CTG) sa mga otoridad sa Barangay San Pablo, Dumingag, Zamboanga del Sur nito lamang ika-3 ng Nobyembre 2024.
Kinilala ni Police Captain Jimmer W Urot, Officer-In-Charge ng Dumingag Municipal Police Station, ang sumuko na si alyas “Dodong/Rodz/Allan”, 34 anyos, bus driver at residente ng Barangay Caloma Tigbao, Zamboanga del Sur.
Ang sumuko ay dating executive committee, organizer at miyembro ng WACOM/ WMRPC, KABATAAN, HYQ KALAW MRGU WMRPC at dating SEC ng PWAC Zamboanga Sibugay, at nagbalik-loob sa pamahalaan sa pagnanais na mamuhay ng maayos at tahimik kasama ang kanyang pamilya.
Agad namang nakatanggap ng isang sakong bigas ang sumukong CTG.
Ang matagumpay na pagbabalik-loob ay naging posible dahil sa pagsisikap ng mga tauhan ng Dumingag Municipal Police Station, Zamboanga del Sur Provincial Intelligence Team, Regional Intelligence Unit 9, Regional Mobile Force Battalion 9, at Armed Forces of the Philippines.
Sa ilalim ng programa ni Pangulong Ferdinand “Bongbong” Marcos Jr., na naglalayong sugpuin ang insurhensiya, ang PNP ay patuloy na hinihikayat ang mga natitira pang miyembro at tagasuporta ng CTGs na magbalik-loob sa pamahalaan at samantalahin ang programa nitong E-CLIP o Enhanced Comprehensive Local Integration Program at magkaisa tungo sa isang Bagong Pilipinas.
Panulat ni Patrolwoman Joyce Franco
