Ilocos Sur – Arestado ang isang miyembro ng Communist Terrorist Group ng Region 1 sa kasong Frustrated Murder at paglabag sa Anti-Terrorism Act ng Provincial Intelligence Unit – Ilocos Sur PNP sa Ifugao District Jail, Tiger Hill, Baguingue Kiangan, Ifugao nito lamang Sabado, ika-26 ng Nobyembre 2022.
Kinilala ni Police Lieutenant Colonel Andrew Rabang, Provincial Chief ng PIU Ilocos Sur, ang suspek na si Daniel Garvida aka Ka Reden/ Edward (Eduardo) Gamiao y Alnas @ KaDaniel/Alvin/Dennis, PSR-Listed CNT personality, 25, residente ng Baguingue Kiangan, Ifugao at tubong Dumalneg, Ilocos Norte.
Ayon kay PLtCol Rabang, naaresto ang suspek bandang 3:05 ng hapon ng mga operatiba ng PIU Ilocos Sur (lead unit), 1st at 2nd Ilocos Sur Provincial Mobile Force Company, Candon CPS at Lidlidda MPS.
Ayon pa kay PLtCol Rabang, naaresto ang suspek sa bisa ng Warrant of Arrest sa dalawang kasong magkahiwalay, paglabag sa Republic Act 11479 o “Anti-Terrorism Act” na walang kaukulang piyansa at Frustrated Murder na may rekomendang piyansa na Php120,000.
Ang pagkakaaresto sa suspek ay tanda ng epektibong pagganap ng mga miyembro ng Philippine National Police ng kanilang mga tungkulin para mapanatili ang kaayusan at kapayapaan sa lugar.
Source: PIU Ilocos Sur
Panulat ni PSSg Lhenee B Valerio
