Iloilo – Kumpiskado ang mga baril at ilegal na droga matapos magsagawa ng Search Warrant ang Iloilo PNP sa Sitio Ermita Barangay Bongol, Janiuay, Iloilo nito lamang ika-26 ng Enero 2023.
Ang nakuhanan ng mga naturang baril at droga ay kinilalang si alias Onyok, 67, isang driver na napag-alamang aktibong miyembro ng Revolutionary Proletarian Army Alex Boncayao Brigade (RPA-ABB).
Kasama din sa nahuli ang kanyang pamangkin na si John Patrick Jaen y Cava, 22 at parehong mga residente ng nabanggit na lugar.
Narekober sa bahay ng dalawang subject person ang anim na 12-gauge homemade short handgun, apat na .38 caliber revolver, dalawang fragmentation hand grenade, isang 45 caliber, mga bala kabilang ang dalawang piraso ng heat-sealed transparent plastic sachet na naglalaman ng hinihinalang shabu na tumitimbang ng 5 gramo at nagkakahalaga ng Php34,000.
Sa naging pahayag naman ni Police Brigadier General Leo M Francisco, Regional Director PRO6, ang matagumpay na operasyon ay bahagi ng mas pinaigting na implementasyon ng Project Birada Semana, bilang reinforcement sa Simultaneous Anti-Criminality Law Enforcement Operations.
Ang nahuling magtiyuhin ay mahaharap sa kasong paglabag sa Republic Act 10591 o ang Comprehensive Firearms and Ammunition Regulation Act at Republic Act 9165 o ang Comprehensive Dangerous Drugs Act of 2002.
Ang isinagawang Search Warrant ay naging matagumpay sa pinagsanib pwersa ng mga tauhan ng Janiuay Municipal Police Station, Iloilo Provincial Intelligence Unit, 603rd Regional Mobile Force Battalion VI, 1st Iloilo Provincial Mobile Force Company, Special Weapons and Tactics at ng Explosives and Ordnance Division.
Patuloy ang PNP sa kampanya nito laban sa lahat ng uri ng kriminalidad upang mapanatili ang kaayusan, kapayapaan tungo sa kaunlaran ng ating bansa.
