Nueva Ecija – Binawi ang suporta ng mga aktibista sa Communist Party of the Philippines -New People’s Army-National Democratic Front (CPP-NPA-NDF) at nagbalik-loob sa Nueva Ecija PNP na ginanap sa Brgy. Mabini, Llanera, Nueva Ecija nito lamang Biyernes, ika-16 ng Hunyo 2023.
Ito ay sa ilalim ng pamumuno ni Police Colonel Richard Caballero, Provincial Director ng Nueva Ecija Police Provincial Office katuwang ang 2nd Nueva Ecija Provincial Mobile Force Company.
Nagbalik-loob ang 15 na miyembro ng Liga ng Manggagawang Bukid (LMB) ng Alyansang Magbubukid sa Gitnang Luzon (AMGL).
Lumagda ang mga ito ng Oath of Allegiance bilang pagbawi ng suporta at pagtalikod sa mga nasabing komunistang teroristang grupo.
Kasabay nito, nagkaroon din ng peace rally na kung saan nila ipinabatid ang magandang mensahe dulot ng pagsuporta sa NTF-ELCAC.
Sinikap ng mga awtoridad na hikayatin at binigyang kaalaman sa mga iba’t ibang programa ng pamahalaan para sa ikauunlad ng pamumuhay ng bawat isa.
Ito ay kaugnay at pagsuporta sa programa ng pamahalaan na Executive Order No. 70 National Task Force to End Local Communist Armed Conflict (NTF-ELCAC).
Source: Nueva Ecija Police Provincial Office
Panulat ni Police Corporal Jeselle V Rivera/RPCADU3
