Maguindanao del Sur – Nakiisa sa isinagawang Brigada Eskwela 2023 ang Mangudadatu Municipal Police Station sa Utto-Andao Elementary School, Brgy. Paitan, Mangudadatu, Maguindanao Del Sur noong Agosto 24, 2023.
Pinangunahan ni Police Captain Nelson Pedrico Jr., Officer-In-Charge, Mangudadatu MPS, ang nasabing pakikiisa sa isinagawang Brigada Eskwela katuwang ang mga guro, magulang, at ilang volunteers.
Ang isinagawang Brigada Eskwela 2023 sa pamumuno ng Kagawaran ng Edukasyon ay may temang “Bayanihan para sa Matatag na Paaralan.”
Ang Brigada Eskwela ay isang kampanya na kung saan ay kapag sasapit na ang pasukan ng mga mag-aaral ay sama-samang pinagtutulungang linisin, at kumpunihin ang mga silid aralan at iba pang lugar na gamit ng mga mag-aaral.
Ito ay isang patunay na ang PNP ay handang tumulong sa anu mang programa ng pamahalaan lalong-lalo na sa pagpapaigting ng samahan ng PNP at komunidad para makamit ang isang maunlad na pamayanan.
Panulat ni Patrolman Mark Vincent Valencia
