Sarangani Province – Nagsagawa ng Mangrove Planting ang mga tauhan ng PNP Maritime Group sa dalampasigan ng Sitio Asnalang, Brgy. Tinoto, Sarangani Province nito lamang ika-30 ng Mayo 2023.
Pinangunahan ni Police Lieutenant Colonel Rizaldy Caballero, Acting Chief ng Regional Maritime Unit 12, ang aktibidad kasama ang Philippine Coast Guard, Municipal Environment and Natural Resources Office ng Sarangani at mga estudyanteng mag-aaral ng Kablacan Integrated School na boluntaryong nakiisa sa isinagawang aktibidad.
Umabot sa 150 na mangrove seedlings ang pinagtulung-tulungan itanim.
Layunin ng aktibidad na magbigay ng natural na imprastraktura at proteksyon sa mga kalapit na lugar sa pamamagitan ng pagpigil sa pagguho ng lupa sa panahon ng matinding bagyo.
Panulat ni Patrolman Charnie Atienza Mandia/RPCADU12
