Kaugnay sa paggunita ng 122nd Labor Day Celebration na may temang “Sa Bagong Pilipinas: Ang Manggagawang Pilipino, Kabalikat at Kasama sa Pag-asenso”, nagsagawa ng malawakang Job Fair ang iba’t ibang ahensya ng gobyerno upang mabigyan ng trabaho ang ating mga kababayan nito lamang Miyerkules, ika-1 ng Mayo 2024.
Nakiisa sa aktibidad ang TESDA, SM Malls at iba pang pribadong kumpanya sa pangunguna ng mga tauhan ng Public Employment Service Office (PESO) ng Quezon City sa pamumuno ni DOLE Secretary Bienvenido Laguesma.
Katuwang ang Philippine National Police, sa pamamagitan ng Police Community Affairs and Development Group (PCADG) sa pagbibigay Serbisyo sa bawat indibidwal na lumahok upang matugunan ang kanilang mga pangangailangan sa pagbibigay ng kaalaman patungkol sa mga batas at pagtanggap ng kanilang mga reklamo patungkol sa kanilang komunidad.
Layunin ng aktibidad na mapadali ang paghahanap ng trabaho ng mga Pilipino sa tulong ng pamahalaan para sa pag-asenso ng ekonomiya tungo sa Bagong Pilipinas.
Panulat ni PSSg Remelin M Gargantos
