Matagumpay na nadakip ang isang lider ng Criminal gang at ang kasama nito sa ikinasang joint operation ng mga operatiba ng Las Piñas City Police Station nito lamang Sabado, ika-23 ng Marso 2024.
Ang mga nahuling suspek ay kinilala ni Police Brigadier General Mark Pespes, District Director ng Southern Police District, na sina alyas “Mamut,” 38, pinuno umano ng kilalang Ramos Robbery Hold-up Gang, kasama si alyas “Kath,” 36 taong gulang.
Naganap ang operasyon bandang alas-8:00 ng umaga sa pangunguna ng Intelligence Section ng Las Piñas CPS, Zapote Sub-Station, at SWAT Team kung saan nakumpiska sa lugar ang isang twelve-gauge shotgun at mga bala na agad na itinurn-over sa Station Investigation and Detective Management Section (SIDMS) para sa karagdagang pagproseso at imbestigasyon matapos makatanggap ng medical clearance mula sa Las Piñas District Hospital.
Mahaharap sa reklamong paglabag si Mamut ng Republic Act 10591 o Comprehensive Law on Firearms and Ammunition Regulation Act. Habang si Kath ay nahaharap naman sa Obstruction of Justice at Disobedience to a Person in Authority.
Patuloy ang kapulisan ng Southern Metro sa pagpapalakas ng kanilang puwersa sa pagpapaigting ng kanilang kampanya kontra ilegal na droga at lahat ng uri ng kriminalidad upang matiyak ang kaayusan at kapayapaan para sa isang mas maunlad na bansa tungo sa isang Bagong Pilipinas.
Source: SPD PIO.
Panulat ni PSSg Remelin M Gargantos
