Matagumpay na naisagawa ng Lapu-Lapu City Police Office sa pangunguna ni Police Colonel Dyan V. Agustin, City Director, ang Simulation Exercise (SIMEX) kaugnay ng STF Contingency Planning para sa nalalapit na 2025 National and Local Elections at Bangsamoro Autonomous Region in Muslim Mindanao Parliamentary Election nito lamang ika-27 ng Abril 2025.
Ang aktibidad ay isinagawa sa mahigpit na koordinasyon sa mga katuwang na ahensya tulad ng Lapu-Lapu City Disaster Risk Reduction and Management Office, Bureau of Fire Protection, City Traffic Management System, at Lapu-Lapu City General Services Office.
Layunin ng SIMEX na paigtingin ang kahandaan, kasanayan, at koordinasyon ng mga personnel sa pagharap sa mga komplikadong sitwasyon, partikular na sa epektibong pag-deploy ng Civil Disturbance Management units.
Ang nasabing aktibidad ay dinaluhan din ni Police Brigadier General Redrico A. Maranan, Regional Director ng Police Regional Office 7, bilang pagpapakita ng suporta at paggabay sa mga inisyatibo ng Lapu-Lapu CPO tungo sa matagumpay na halalan.
Sa pamamagitan ng inisyatibong ito, pinagtitibay ng LCPO ang kanilang dedikasyon sa pagpapanatili ng seguridad, kaligtasan, at kaayusan ng publiko tungo sa pagkamit ng Safe, Accurate, Free, and Fair Election (SAFE) para sa 2025 NLE at BARMM PE.
Ang matagumpay na pagsasagawa ng SIMEX ay patunay ng kahandaan ng mga kapulisan ng Lapu-Lapu City Police Office at ng kanilang matatag na pakikipagtulungan sa iba’t ibang ahensya upang matiyak ang isang mapayapa at maayos na halalan.
