Ilocos Sur – Arestado ng pulisya ang isang Wanted Person ng Tagudin, Ilocos Sur sa kasong Four (4) Counts of Rape by Sexual Assault ng PNP sa Barangay Pantay Daya, Vigan City, Ilocos Sur nito lamang ika-13 ng Hulyo 2023.
Kinilala ni Police Major Omar David, Hepe ng Tagudin MPS, ang suspek na si Liberato Manuel Ambrocio Jr., 50, residente ng Barangay Pantay Daya, Vigan City, Ilocos Sur.
Ayon kay PMaj David, bandang 5:00 ng hapon nang maaresto ang suspek sa Brgy. Pantay Daya, Vigan City, Ilocos Sur ng mga operatiba ng San Ildefonso MPS at Vigan City Police Station.
Ayon pa kay PMaj David, naaresto ang suspek sa bisa ng Warrant of Arrest sa kasong Four (4) counts of Rape by Sexual Assault in relation to RA 7610 na may rekomendadong piyansa na Php120,000 bawat isa.
Patuloy naman ang PNP sa pagpapaigting ng kampanya laban sa mga taong may pananagutan sa batas para sa tahimik at ligtas na pamayanan.
Source: Tagudin MPS
Panulat ni PSSg Carmela G Danguecan
