South Cotabato – Walang takas ang isang indibidwal na may patong-patong na kaso ng arestuhin ito ng Banga PNP sa Sitio Alon, Brgy. San Vicente, Banga, South Cotabato noong ika-6 ng Pebrero 2023.
Kinilala ni Police Lieutenant Colonel Johnny Rick Medel, Hepe ng Banga Municipal Police Station, ang inarestong suspek na si Alyas “Dandy”, 60, magsasaka, at residente ng nasabing lugar.
Ayon kay PLtCol Medel, bandang alas 12:00 ng hapon ng isinagawa ang naturang operasyon laban kay Dandy sa pinagsanib pwersa ng mga operatiba ng South Cotabato PNP at General Santos PNP.
Dagdag pa ni PLtCol Medel, naaresto ang nasabing suspek sa bisa ng Warrant of Arrest sa kasong 2 Counts of Robbery with Violence against or Intimidation of Persons at 3 Counts of Carnapping na may kabuuang inirekomendang piyansa na Php1,100,000 para sa pansamantala nitong paglaya.
Ang Pambansang Pulisya ay hindi tumitigil sa paghuli sa mga taong nagtatago sa batas upang mabigyan ng hustisya ang mga naging biktima nito.
Panulat ni Patrolman Gio Batungbacal
