Nueva Vizcaya – Nakiisa ang mga kapulisan ng Quezon sa isinagawang pamamahagi ng maagang Aginaldo na idinaos sa Brgy. Bonifacio, Quezon, Nueva Vizcaya nito lamang ika-24 ng Marso 2023.
Sa pangangasiwa ni Police Major Benjamin Pagapa Jr, Chief of Police at sa pakikipag-ugnayan nina Hon. Dolores Binwag, Municipal Mayor; Hon. Amor Dincog Vice Mayor; kasama ang LYDC-Quezon ay matagumpay na naidaos ang aktibidad.
Aktibo namang nilahukan ng mga guro at mag-aaral ng Totong Daycare center ang nasabing aktibidad.
Naipamahagi sa mga bata ang payong, bag, coloring book at mga krayola na kanilang magagamit sa paaralan, gayundin ang pamamahagi ng mga food packs sa mga nakilahok.
Tinalakay din ng mga kapulisan sa mga mag-aaral ang batas hinggil sa ipinagbabawal na gamot at kung ano ang mga maaaring maging epekto nito na hindi kanais-nais sa katawan.
Ang aktibididad ay alinsunod sa kanilang programa na may pamagat na Project ABaKaDaE (Aksyon sa Bata para sa Kaligtasan Dala ang Edukasyon) at Manang BIDAy (Buhay Ingatan, Droga Ayawan Yra yaw babbay y mamulo).
Ang PNP ay patuloy sa mga ganitong uri ng kampanya upang tuluyang mapuksa ang ilegal na droga sa ating bansa.
Source: Quezon Police Station
Panulat ni PCpl Harry B Padua
