Nasakote ang isang lalaking suspek sa isinagawang operasyon ng mga tauhan ng Southern Police District na nagresulta sa pagkakakumpiska ng iba’t ibang klase ng baril sa kahabaan ng Chino Roces Avenue Extension, Barangay Magallanes, Makati City nito lamang Huwebes, Pebrero 6, 2025.
Kinilala ni Police Brigadier General Manuel Abrugena, District Director ng SPD, ang suspek na si alyas “Jonathan,” 25-anyos, at isang estudyante.
Inaresto ang suspek na sangkot sa illegal firearms trading sa pinagsanib puwersa ng District Special Operations Unit (DSOU) kasama ang District Investigation Division (DID), Intelligence Section, District Mobile Force Battalion (DMFB) at pati na rin ang City Police Station (DMFB).
Nakumpiska ng mga awtoridad ang isang 5.56 Rifle Model SLR-B15 (may serial number); isang Cal. 5.7 Ruger Pistol (Serial No. 643-66977A); dalawang 5.56 rifle magazine; dalawang magazine ng 5.7 Ruger pistol, kargado ng 40 na bala; isang itim na rifle bag; isang Apple iPhone 13 Pro Max; 40 rounds ng Cal. 5.7 na bala; isang itim sa loob holster para sa Ruger pistol; isang may markang Php1,000 bill; isang 2018 Toyota Corolla Altis; sari-saring identification card sa ilalim ng pangalan ng suspek; at isang itim na Tumi sling bag.
Dinakip si alyas “Jonathan” dahil sa kanyang paglabag sa Commission on Elections (COMELEC) Resolution 11067, kaugnay ng Republic Act 7166.
Ang SPD ay nananatiling nakatuon sa pagpapanatili ng kapayapaan at kaayusan sa pamamagitan ng pagpigil sa iligal na paglaganap ng mga baril, na maaaring gamitin para sa pananakot at sa anumang uri ng kriminalidad sa panahon ng halalan.
Source: SPD PIO
Panulat ni PMSg Remelin M Gargantos
