Arestado ng mga tauhan ng La Paz Municipal Police Station ang isang indibidwal sa kasong Rape sa Barangay Dumarais, La Paz, Tarlac, nito lamang Sabado, ika-27 ng Hulyo 2024.
Kinilala ni Police Major Edmar Kristian S Amameda, Chief of Police ng La Paz Municipal Police Station, ang suspek na si alyas “Jo”, 30 taong gulang, residente ng naturang lugar.
Naging matagumpay ang ikinasang operasyon ng mga awtoridad na nagresulta sa pagkakaaresto sa suspek sa bisa ng Warrant of Arrest sa kasong Rape na walang piyansa.
Ang La Paz PNP ay patuloy sa pagsagawa ng operasyon laban sa mga taong may pananagutan sa batas upang mapanatiling ligtas, tahimik at maayos ang komunidad tungo sa maayos at ligtas na Bagong Pilipinas.
Source: La Paz Municipal Police Station
Panulat ni Patrolwoman Digna Jane Tenorio Malubay
