Arestado ang isang indibidwal matapos makuhanan ng ilegal na baril sa isinagawang Checkpoint/Oplan Bakal Sita Operation ng mga tauhan ng Datu Paglas Municipal Police Station sa National Highway, Barangay Poblacion, Datu Paglas, Maguindanao Del Sur noong ika-18 ng Mayo 2024.
Kinilala ni Police Lieutenant Skylabernesto C Guarin, Acting Chief of Police ng Datu Paglas MPS, ang suspek na si alyas “Arman”, 23 anyos at residente ng Sitio Alamada, Barangay Sepaka, Datu Paglas, Maguindanao Del Sur.
Ayon kay PLt Guarin, habang nagsasagawa ng Checkpoint/Oplan Bakal Sita Operation ang mga awtoridad ng Datu Paglas MPS nang pahintuin nila ang isang lalaking sakay ng motorsiklo dahil sa paggamit ng hindi awtorisadong blinkers.
Sumailalim naman sa body search ang suspek at doon nakuhanan ng ilegal na baril na nagresulta sa pagkaka-aresto nito.
Nakumpiska mula sa suspek ang isang Colt Cal.45 pistol na may serial number na 567789, na may kasamang magasin na naglalaman ng apat na bala, at isang slingbag.
Patunay lamang na ang Pambansang Pulisya katuwang ang iba’t ibang ahensya ng gobyerno ay patuloy sa pagpapatupad ng kanilang sinumpaang tungkulin kontra kriminalidad na naaayon sa mga programa ni Pangulong Ferdinand R. Marcos Jr. na magkaroon ng maunlad na bansa para sa sambayanang Pilipino tungo sa isang Bagong Pilipinas.
Panulat ni Pat Veronica Laggui
