Nasabat mula sa isang construction worker ang mga pakete ng pinaghihinalaang shabu sa isinagawang buy-bust operation ng President Roxas Municipal Police Station sa Purok 2 Barangay Poblacion, President Roxas, Cotabato nito lamang Abril 25, 2025.
Kinilala ni Police Major Jun Jinete Napat, hepe ng President Roxas MPS, ang suspek na si alyas “Nel”, nasa wastong gulang, construction worker at residente ng Taran Subdivision, Kidapawan City.
Ayon kay PMaj Napat, naging matagumpay ang pagkakadakip ng suspek dahil sa pagtutulungan ng mga operatiba ng Pres. Roxas MPS kasama ang 1203rd Mobile Company, CIDG at Cotabato Police Provincial Office PDEU.
Nahaharap ngayon ang suspek sa kasong paglabag sa Section 5 ng Republic Act 9165 o Comprehensive Dangerous Drugs Act of 2002.
Ang Pambansang Pulisya katuwang ang iba’t ibang ahensya ng pamahalaan ay patuloy sa pagpapaigting ng kanilang kampanya kontra kriminalidad lalo na sa ilegal na droga alinsunod sa isa sa pangunahing prayoridad ng administrasyon na puksain ang mga sindikato ng ilegal na droga tungo sa isang ligtas at mapayapang bansa.
Panulat ni Patrolwoman Flora Mae
