Nasabat ang tinatayang Php1,538,320 halaga ng hinihinalang shabu sa isinagawang buy-bust operation ng Talomo PNP sa Central Park Subdivision, Barangay Talomo, Davao City nito lamang madaling araw ng Pebrero 27, 2025.
Ayon kay Police Major Genesis P. Oriel, Acting Station Commander ng Talomo Police Station, kinilala ang dalawang suspek na sina alyas “Dol”, 36 anyos at alyas “Buldog”, 35 anyos, na pawang mga residente ng Panabo City.
Mula sa mga suspek ay nasamsam ang humigit kumulang 109.88 gramo ng hinihinalang shabu at iba pang non-drug evidence at nahaharap sa kasong paglabag sa Republic Act 9165 o “Comprehensive Dangerous Drugs Act of 2002”.
Patuloy naman ang mga operasyon ng Police Regional Office 11 bilang bahagi ng masusing hakbang upang labanan ang kriminalidad at tiyakin ang kaligtasan at katahimikan sa rehiyon at mapangalagaan ang kapakanan ng mga mamamayan.
Panulat ni Pat Shairra Rose A Aquino
