Benito Soliven, Isabela – Nasa 250 na mag-aaral ang napasaya ng Community outreach program ng Benito Soliven Police Station na ginanap noong Agosto 5, 2022 sa Barangay San Francisco, Benito, Soliven, Isabela.
Ayon kay Police Major Rufo A Figalora Jr. Hepe, lubak-lubak at madulas man ang daan dulot ng maulan na panahon, ay nagsumikap pa rin ang grupo upang abutin ang nabanggit na lugar at maghandog ng saya at regalo sa mga bata.
Bahagi ng aktibidad ang pagtatanim ng 50 fruit bearing trees, feeding program at pamamahagi ng mga stuff toys, facemasks, hygiene kits at mga school supplies sa mga mag-aaral.
Naging katuwang ng Benito Soliven PNP ang mga guro ng San Francisco Elementary School, mga miyembro ng Kabataan Kontra Droga at Terorismo, Barangay-Based Group at mga stakeholders.
Pinuri naman ni Police Colonel Julio R Go, Acting Provincial Director ng Isabela Police Provincial Office, ang buong hanay ng Benito Soliven PS sapagkat sa pamamagitan ng kanilang aktibidad ay nailalapit nila ang kapulisan sa mamamayan lalong lalo na sa mga bata.
Samantala, pinasalamatan din ni PCol. Go ang lokal na pamahalaan ng Benito Soliven, mga Advisory Support Groups at Stakeholders sa patuloy na pagtulong at suporta sa bawat programa ng Pambansang Pulisya.
Source: Benito Soliven PS
###
Panulat ni Police Corporal Carla Mae P Canapi
