Arestado ang isang High Value Individual (HVI) sa ikinasang drug buy-bust operation ng Pavia Municipal Police Station sa Barangay Cabugao Norte, Pavia, Iloilo nito lang ika-15 ng Mayo 2024.
Kinilala ang naarestong suspek na si alyas “Junjun”, High Value Individual, 33 anyos, walang trabaho at residente ng nasabing lugar.
Nakumpiska mula sa pag-aari at kontrol ng suspek ang humigit kumulang 60 gramo ng pinaghihinalaang shabu na nagkakahalaga ng Php408,000, Php6,000 na buy-bust money at iba pang mga non-drug items.
Ang suspek ay mahaharap sa kasong paglabag sa Republic Act 9165 o Comprehensive Dangerous Drugs Act of 2002.
Patuloy ang Iloilo PNP na pigilan ang paglaganap ng ilegal na droga sa kanilang nasasakupan para sa maayos at ligtas na komunidad.
Source: PCADG Western Visayas
Panulat ni Pat Ryza Valencia
