Arestado ang isang High Value Individual matapos ang isinagawang buy-bust operation ng mga tauhan ng Panabo City Police Station sa Purok 17, Barangay New Visayas, Panabo City nito lamang Enero 18, 2025.
Kinilala ni Police Lieutenant Colonel Jess Anthony B Maghirang, Chief of Police ng Panabo City Police Station, ang suspek na si alyas “Bai”, 38 anyos, isang karpintero at residente ng Purok B, Barangay Kauswagan, Panabo City.
Nakuha ang 11 gramo ng shabu na may tinatayang halaga na Php74,800 at iba pang non-drug items.
Kasong paglabag sa Republic Act 9165 o “Comprehensive Dangerous Drugs Act of 2002” ang kakaharapin ng suspek.
Patuloy naman ang pagsisikap ng mga tauhan ng Police Regional Office 11 sa pamamagitan ng mga regular na operasyon, proaktibong aksyon at kolaborasyon upang matiyak at napapanatili ang kaayusan sa buong rehiyon.
Panulat ni Pat Shairra Rose A Aquino
