Kalaboso ang isang habal-habal driver na inireklamo ng pagnanakaw ng biktimang negosyante sa isinagawang hot pursuit operation ng kapulisan ng Talisay City sa Sitio Didos, Barangay Linao, Talisay City, Cebu, noong ika-17 ng Nobyembre 2024.
Kinilala ni Police Lieutenant Colonel Epream G Paguyod, Chief of Police ng Talisay City Police Station, Cebu Police Provincial Office, ang suspek na si “Jay”, 44 anyos, isang habal-habal driver na residente ng nabanggit na lugar.
Batay sa imbestigasyon ng pulisya, bandang 3:05 ng hapon ng makatanggap ng sumbong mula sa biktimang negosyante tungkol sa nawawalang sling bag nito na may lamang mga ID at Php21,000.
Kaagad nagsagawa ng hot-pursuit operation ang kapulisan na nagresulta sa agarang pagkaaresto ng suspek at pagkarekober ng sling bag, mga ID at ang Php6,000 na natitirang pera.
Patunay lamang na ang Talisay City PNP ay patuloy sa pagpapatupad ng kanilang sinumpaang tungkulin kontra sa lahat ng uri ng kriminalidad upang magkaroon ng maunlad na bansa para sa sambayanang Pilipino tungo sa isang bagong Pilipinas.
Source: City of Talisay PS SR
