Inaasahang magdadala ng malalakas na pag-ulan ang Southwest Monsoon o Habagat sa ilang bahagi ng Luzon hanggang Agosto 12, batay sa weather advisory na inilabas ng Philippine Atmospheric, Geophysical and Astronomical Services Administration (PAGASA) ngayong alas-11 ng umaga.
Kabilang sa mga lugar na maaaring makaranas ng malalakas na pag-ulan ang Benguet, La Union, Zambales, Bataan, at Occidental Mindoro.
Ayon sa PAGASA, posibleng makaranas ng pagbaha at pagguho ng lupa ang ilang lugar, partikular sa mga mabababang lugar at bulubunduking komunidad.
Pinapayuhan ang publiko na manatiling alerto, lalo na ang mga nasa lugar na madaling bahain at landslide-prone areas, at magsagawa ng kinakailangang pag-iingat habang patuloy ang pag-ulan.
Hinihikayat din ang publiko na patuloy na subaybayan ang mga opisyal na weather updates at abiso mula sa PAGASA at mga lokal na awtoridad para sa napapanahong impormasyon at kaligtasan.
Source: PNN
PAGASA: https://www.facebook.com/share/p/1BbwLK3Fk4/
