Isabela – Kulungan ang bagsak ng isang magsasaka na nahulihan ng granada sa operasyon na isinagawa ng pulisya sa P-4, Brgy Sta Maria, Cauayan City, Isabela bandang 5:40 ng umaga nitong ika-3 ng Setyembre 2023.
Kinilala ni Police Colonel Julio Go, Provincial Director ng Isabela PPO, ang suspek na si alias John, 55 taong gulang, magsasaka at residente ng nasabing lugar.
Nadakip ang naturang suspek sa bisa ng Search Warrant no. 37-2023 sa paglabag ng RA 10591 at Search Warrant no. 38-2023 sa paglabag sa RA 9516 na pinalabas ni Hon. Judge Reymundo Aumentado, Executive Judge.
Nakuha sa pag-iingat ng suspek ang isang piraso ng hand grenade.
Mahaharap sa kasong paglabag ng RA 9516 (Unlawful Manufacture, Sales, Acquisition, Disposition, Importation or Possession of an Explosive or Incendiary Device) ang suspek.
Samantala, pinuri naman ni Police Brigadier General Christopher C Birung, Acting Regional Director, ang mga awtoridad na nasa likod ng matagumpay na operasyon. Kanya ring pinaalalahanan ang mamamayan ng lambak ng Cagayan lalong-lalo na ang mga may hawak ng baril o explosives ng walang kaukulang papeles na iturn-over sa mga kinauukulan para maiwasang magkakaso o makulong.
“Bilang Director ng PRO2, gagawin namin ang lahat para panagutin ang sino mang lumabag sa batas. Together as one, let us make Cagayan Valley a better place to live and a region to be proud of”, dagdag ng Director.
Source: Police Regional Office 2
