La Union – Isinagawa ang Graduation at Badge of Honor Ceremony ng PSFTP Class 2020-01 “SAGSIKLAB” sa Camp BGen Oscar M Florendo sa Police Regional Office 1, Parian, San Fernando City, La Union nito lamang ika-30 ng Oktubre 2023.
Ang Class 2020-01 “SAGSIKLAB” ay binubuo ng 60 na Patrolwoman ng Police Regional Office 1 na agad namang tutulong sa mga nakadeploy na tauhan ng PRO1 ngayong UNDAS.
Pinaalalahanan naman ni Dir. George Aplas Daskeo, Regional Director, NAPOLCOM Region 1, na nagsilbing Guest of Honor and Speaker sa naturang graduation at badge of honor ceremony, na huwag nilang tularan ang kanilang mga makikita na mali, at maging magandang halimbawa at modelo sa mamamayan.
Sa pagtatapos ng programa, muli namang nayakap ng Class “SAGSIKLAB” ang kanilang mga mahal sa buhay matapos ang kanilang training upang maging isang ganap na miyembro ng Philippine National Police.
Panulat ni Pat Viljon Anthony Comilang
