Tinatayang Php272,000 halaga ng shabu ang nakuha sa isang ex-convict sa ikinasang buy-bust operation ng mga awtoridad sa Zone 6, Balite Street, Barangay Bugo, Cagayan de Oro City nito lamang ika-27 ng Oktubre 2024.
Kinilala ni Police Colonel Salvador Radam, City Director ng Cagayan De Oro City Police Office, ang naarestong suspek na si alyas “Alvin”, 51 taong gulang at residente ng Barangay Bugo, Cagayan de Oro City.
Nakuha sa suspek ang isang pakete ng heat-sealed transparent plastic sachet na tinatayang nasa 40 gramo ng hinihinalang shabu na may market value na Php272,000, isang android cellphone at Php500 bill na ginamit bilang buy-bust money.
Nahaharap ang suspek sa kaparehong kaso ng paglabag sa Republic Act 9165 o “Comprehensive Dangerous Drugs Act of 2002”.
Ang Cagayan de Oro City PNP ay patuloy sa pagpapatupad ng batas para mapanagot ang mga nagkasala at mapigilan ang paglaganap ng krimen sa bansa.
