Cotabato – Kalaboso ang isang lalaki matapos makumpiskahan ng ilegal na droga at mga bala ng baril sa mismong tinutuluyan nito sa Brgy. Junction, Kidapawan City, Cotabato nito lamang ika-28 ng Nobyembre 2023.
Ayon kay Police Lieutenant Colonel Dominador Palgan Jr., Chief of Police ng Kidapawan City Police Station, bandang 1:00 ng madaling araw nang salakayin ang tinitirhan ng kinilalang suspek na si alyas “Tata” sa bisa ng Search Warrant na nagresulta sa pagkakadiskubre ng limang sachet ng hinihinalang shabu na 0.14 gramo ang bigat at may Standard Drug Price na Php5,000 at dalawang bala ng Cal. 45.
Sasampahan ang nahuling suspek ng kasong paglabag sa RA 9165 (Comprehensive Dangerous Drugs Act of 2002) at RA 10591 (Comprehensive Firearms and Ammunition Regulation Act).
Mahigpit na ipinatutupad ng Kidapawan City PNP ang agresibong panghuhuli sa mga indibidwal na nagpapakalat ng droga, na nagdudulot ng mga karahasan at kriminalidad sa lipunan.
Panulat ni Patrolman Khnerwin Jay A Medelin
