Nagbalik-loob sa pamahalaan ng isang dating miyembro ng Sectoral Front Organization sa pakikipagtulungan ng iba’t ibang yunit ng pulisya at mga opisyal ng Barangay sa Barangay San Manuel Norte, Agoo, La Union nito lamang Marso 1, 2025.
Ang operasyon ay pinangunahan ng 2nd La Union Provincial Mobile Force Company (LUPMFC), kasama ang Agoo Municipal Police Station (MPS), Tactical Support Company – Regional Mobile Force Battalion 1 (TSC-RMFB1), Battalion Headquarters – RMFB1, Regional Intelligence Unit 1 (RIU1), Regional Intelligence Division (RID), at La Union Provincial Intelligence Unit (LUPIU).
Kinilala ang sumukong indibidwal na isang 40 taong gulang na babae, may asawa, at nagtatrabaho bilang helper, at dating miyembro ng Timek Ken Namnama Dagiti Babassit a Mangngalap ti La Union (TIMEK), isang lokal na grupo sa Agoo, La Union.
Matapos ang pagsisiyasat at konsultasyon, pinili nito na iwanan ang organisasyon dahil nais niyang mamuhay nang walang anumang kaugnayan sa mga grupong may koneksyon sa CPP-NPA-NDF.
Ito ay sumailalim sa custodial debriefing upang masigurong maayos ang kanyang pagkalas mula sa nasabing grupo. Ayon sa Provincial Intelligence Team, ang TIMEK ay itinuturing na isang Underground Movement Organization (UGMO) ng Anakpawis sa bayan ng Agoo, La Union.
Patuloy naman ang kampanya ng mga awtoridad upang hikayatin ang iba pang mga indibidwal na sumusuporta sa mga makakaliwang grupo na boluntaryong sumuko at magbagong-buhay para sa kanilang kaligtasan at kapayapaan ng komunidad.
Source: 2nd La Union Provincial Mobile Force Company
Panulat ni PSSg Johndel L Supremo
