Naaresto ng mga operatiba ng Iloilo City Police Station 1 (ICPS1) ang dalawang suspek sa droga sa isang matagumpay na buy-bust operation nito lamang ika-18 ng Enero 18, 2025 sa Quezon Street, Barangay Nonoy, City Proper, Iloilo City.
Ang mga suspek ay kinilalang sina alyas “JapJap,” 32 anyos, may asawa, residente ng Barangay Acao, Cabatuan, Iloilo, na isang High Value Individual (HVI), at alyas “Nonoy,” 33 anyos, binata, residente ng Barangay Delgado-Mabolo, City Proper, Iloilo City, na isang Street Level Individual (SLI).
Sa ikinasang operasyon na pinangunahan ni PLt Romelo E Tabuyoc, Officer-in-Charge ng Iloilo City Police Station 1 ay narekober ang humigit kumulang 85 gramo ng hinihinalang shabu na may Standard Drug Price na Php578,000.
Kasama rin sa nakumpiska ang isang heat-sealed transparent plastic sachet bilang buy-bust item.
Narekober din ang pitong piraso ng heat-sealed plastic sachets, isang knot-tied plastic sachet ng suspected shabu, at buy-bust money na nagkakahalaga ng Php7,000.00, kabilang ang isang Php100.00 peso bill.
Ang matagumpay na operasyon ay bahagi ng pinaigting na kampanya ng mga kapulisan upang laban sa paglaganap ng iligal na droga sa rehiyon ng Western Visayas.
Patuloy na ipinapakita ng Philippine National Police (PNP) ang kanilang dedikasyon sa paglaban sa ipinagbabawal na droga, na may layuning protektahan ang bawat komunidad at panatilihin ang kaayusan sa bansa tungo sa mapayapang bagong Pilipinas.
Source: Ilonggo News Live FB Page
Panulat ni Pat Justine Mae Jallores
