Mandaue City – Tiklo ang dalawang drug suspek sa inilunsad na buy-bust operation ng kapulisan ng Mandaue City Police Office (MCPO) makaraang makumpiskahan ng libu-libong halaga ng ilegal na droga sa San Jose 1, Brgy. Labogon, Mandaue City noong Setyembre 30, 2023.
Kinilala ni Police Colonel Maribel Getigan, Acting City Director ng Mandaue City Police Office, ang mga suspek na sina “Ruel”, 27 at “Henskie”, 42, kapwa residente ng Brgy. Labogon, Mandaue City.
Pasado alas-9 ng gabi noong Sabado ng mailatag ng mga operatiba ng Police Station 3, MCPO ang operasyon kung saan kasabay ng pagkakaaresto ng mga suspek ay nasamsam ang tinatayang nasa 25.15 gramo ng hinihihinalang shabu na may Standard Drug Price na Php171,020.
Nahaharap ang mga suspek sa mga kaukulang reklamo kaugnay sa ilegal na droga.
Isang patunay sa mahusay at agresibo na kampanya ng kapulisan upang wakasan at tuldukan ang problema sa droga at maging sa mga krimen na dulot nito.
