Daan-daang halaga ng hinihinalang shabu ang nakumpiska ng Bulacan PNP mula sa apat na indibidwal sa isinagawang buy-bust operation sa Barangay Poblacion, Guiguinto, Bulacan, nito lamang Martes, ika-30 ng Abril 2024.
Kinilala ni Police Colonel Relly B Arnedo, Provincial Director ng Bulacan Police Provincial Office, ang naarestong suspek na sina alyas “Larry”, 51, na residente ng Northville 7 Barangay Malis, Guiguinto, Bulacan; “Marco”, 29, residente ng Tiaong Guiguinto, Bulacan; “Arvin” 40, residente ng 349 Barangay San Pablo, Malolos City, Bulacan; at “Weng”, 50, residente naman ng Northville 6 Barangay Santol, Balagtas, Bulacan.
Ayon sa ulat, naging matagumpay ang operasyon ng mga tauhan ng Station Drug Enforcement Unit ng Guiginto MPS sa isinagawang buy-bust operation kung saan nakumpiska ang dalawang piraso ng small size heat-sealed transparent plastic sachets, dalawang medium size heat-sealed transparent plastic sachets at isang piraso ng large size transparent plastic sachets ng shabu na may bigat na humigit kumulang 16.50 gramo ang nasabat sa mga suspek.
Nahaharap ang mga suspek sa kasong paglabag sa Republic Act 9165 o Comprehensive Dangerous Drugs Act of 2002.
Ang Bulacan PNP ay walang tigil sa pagsasawata at pagpapaigting ng kampanya laban sa mga gumagamit at nagbebenta ng ilegal na droga para masiguro ang kaayusan at kaligtasan ng mga mamamayan sa kanilang nasasakupan.
Panulat ni Pat Pearl Crystalynne Javier
