Boluntaryong nagbalik-loob sa pamahalaan ang isang tagasuporta ng Communist Terrorist Group sa mga awtoridad sa Buug, Zamboanga Sibugay nito lamang Sabado, ika- 31 ng Agosto 2024.
Kinilala ni Police Lieutenant Colonel Jason M Apana, Force Commander ng 1st Zamboanga del Sur Provincial Mobile Force Company, ang sumuko na si alyas ”Rol” at residente ng Purok 4, Barangay Mahayahay Dumingag, Zamboanga del Sur.
Si alyas “Rol” ay dating tagasuporta ng Higpit nga Organisadong Masa (HOM) at nagbalik-loob sa pamahalaan sa pagnanais na mamuhay nang maayos at tahimik kasama ang kanyang pamilya.
Sa ilalim ng programa ni Pangulong Marcos na naglalayong sugpuin ang insurhensiya, ang Pambansang Pulisya ay patuloy na hinihikayat ang mga natitira pang miyembro at tagasuporta ng Communist Terrorist Group na magbalik-loob sa pamahalaan at samantalahin ang programa nitong E-CLIP o Enhanced Comprehensive Local Integration Program at magkaisa tungo sa isang Bagong Pilipinas.
Panulat ni Patrolwoman Joyce Franco
