Claveria, Misamis Oriental – Arestado ang isang miyembro ng Communist Terrorist Group (CTG) na may kasong Attempted Murder sa isinagawang joint operation nito lamang Agosto 29, 2022.
Kinilala ni Police Lieutenant Colonel Alexander Eugenio, Force Commander ng 1st Misamis Oriental Provincial Mobile Force Company, ang naarestong suspek na Joma Cabanag Jariol, 53, residente ng Sitio Tago, Brgy. Bulahan, Claveria, Misamis Oriental.
Napag-alaman na si Jariol ay (PSR listed 2017) miyembro ng SDG EAGLES, SRC1 North Central Mindanao Regional Committee (NCMRC).
Ayon kay PLtCol Eugenio, naaresto ang suspek bandang 1:20 ng tanghali sa Sitio Tago, Brgy. Bulahan, Claveria, Misamis Oriental ng mga operatiba ng 1st Misamis Oriental Provincial Mobile Force Company, Lagonglong Municipal Police Station at Claveria Municipal Police Station.
Ayon pa kay PLtCol Eugenio, naaresto ang suspek sa bisa ng Warrant of Arrest sa kasong Attempted Murder sa ilalim ng Criminal Case No. R-CD-21-00198-CR at may nirekomendang piyansang Php120,000.
Ang PNP ay patuloy sa mandato na hulihin ang mga taong nagkasala sa batas upang ang lungsod ng Misamis Oriental ay maging payapa at ligtas sa lahat ng oras.
Panulat ni Patrolman Jomhel Tan/RPCADU 10
